🚨 १५ स्पा सेंटर पोलिसांच्या रडारवर !

🚨 १५ स्पा सेंटर पोलिसांच्या रडारवर!

डीजीपी कार्यालयाची दखल; पिंपरी-चिंचवड पोलिस आयुक्तांना चौकशीचे निर्देश

पोलीसनामा प्रतिनिधी समाधान अडसूळ

पिंपरी-चिंचवड | ५ ऑक्टोबर २०२६

शहरातील विविध भागांत सुरू असलेल्या १५ स्पा सेंटरच्या कामकाजाची सखोल चौकशी करण्याची मागणी करण्यात आली असून, या तक्रारीची महाराष्ट्र राज्य डीजीपी कार्यालयाने दखल घेतली आहे. प्रकरण पिंपरी-चिंचवडचे पोलिस आयुक्त विनय कुमार चौबे यांच्याकडे वर्ग करण्यात आले असून, आवश्यक ती चौकशी करून कायद्यानुसार कारवाई करण्याच्या सूचना देण्यात आल्याचे तक्रारीत नमूद आहे.

‘समाज स्पा कल्याणकारी असोसिएशन’चे डॉ. प्रदीप केंदळे यांनी डीजीपी कार्यालयाकडे ही तक्रार केली आहे. काही स्पा सेंटरमध्ये परदेशी नागरिक कार्यरत असल्याचा दावा तक्रारीत करण्यात आला असून, त्यांच्या व्हिसा, कामाचे परवाने, पोलिस पडताळणी आणि इतर आवश्यक कागदपत्रांची तपासणी करण्याची मागणी करण्यात आली आहे.

तसेच संबंधित स्पा सेंटरचे परवाने, नोंदणी, कामकाजाची वेळ आणि रात्रीच्या वेळी महिला कर्मचाऱ्यांकडून काम करून घेताना कायदेशीर नियमांचे पालन होते का, याचीही तपासणी करण्याची मागणी करण्यात आली आहे.

बेकायदेशीर रोजगार, बेकायदेशीर वास्तव्य, मानवी तस्करी किंवा अन्य कायद्यांचे उल्लंघन आढळल्यास संबंधितांवर कायदेशीर कारवाई करावी, अशी मागणी तक्रारीत करण्यात आली आहे.

🔎 तक्रारीत नमूद १५ स्पा सेंटर

स्वस्तिक – दिघी

सिल्हर – एमआयडीसी, भोसरी

मर्षी – लोढा

निद्रा – सांगवी

मर्षी – चिंचवड

एल प्रो मॉल – चिंचवड

कोरा – चिंचवड

प्रिमियर प्लाझा

अनया – हिंजवडी

सोल – हिंजवडी

वॉचीस – रावेत

सिल्हर – रावेत

यश – कालेवाडी

अनया – कालेवाडी

असवा – बावधन

टीप : या आस्थापनांची नावे केवळ तक्रारीत नमूद करण्यात आली आहेत. संबंधित स्पा सेंटरविरुद्ध गैरप्रकार सिद्ध झालेला नाही. पोलिसांच्या अधिकृत चौकशीनंतरच वस्तुस्थिती स्पष्ट होणार आहे.